O‘zbekistonliklar uy qurilishiga 35,4 trln so‘m sarfladi

O‘zbekistonliklar 2025-yilning yanvar–avgust oylarida yakka tartibdagi uy-joy qurilishiga 35,4 trillion so‘m sarfladi, deb Uz24.uz xabar berdi. Bu ko‘rsatkich 2024-yilning shu davriga nisbatan 13,3 foizga yuqori hisoblanadi.

Ma’lumotlarga ko‘ra, mamlakatda amalga oshirilgan jami qurilish ishlarining 18,8 foizi yakka tartibdagi uy-joy qurilishi hissasiga to‘g‘ri kelgan.

Mutasaddilarning ta’kidlashicha, so‘nggi yillarda aholi tomonidan xususiy uy qurilishiga bo‘lgan qiziqish ortib, bu sohadagi sarmoyalar hajmi yil sayin o‘smoqda.