O‘zbekistonda nogironligi bo‘lgan bolalar uchun bepul taksi xizmati yo‘lga qo‘yildi, deb UZ24 xabar berdi. Loyiha ko‘rish va harakatlanish bilan bog‘liq kasalliklarga chalingan, alohida ta’lim ehtiyojiga ega bolalarni qamrab oladi.
Ijtimoiy himoya yagona reestridagi oilalar uchun qatnov to‘liq — ya’ni 100 foiz davlat subsidiyasi hisobidan qoplanadi. Boshqa oilalar uchun esa qatnov xarajatlarining 60 foizi, bir oyda har bir bola uchun bazaviy hisoblash miqdorining 1,2 baravaridan oshmagan holda qoplab beriladi.
Safarlar Yandex Go ilovasining “Komfort” tarifi orqali amalga oshiriladi. Agar muammo yuzaga kelsa, foydalanuvchilar Yandex Go yordam xizmatiga yoki 1070 raqami orqali Ijtimoiy himoya milliy agentligi Call-markaziga murojaat qilishi mumkin.
“Zamin”ni Telegramʻda oʻqing!
