Toshkent metropolitenida behuda baqir-chaqir qilib, nojo‘ya so‘zlar aytgan fuqarolar jazolandi, deb xabar berdi IIV Transport va turizm obyektlarida xavfsizlikni ta’minlash departamenti matbuot xizmati.
Voqea “Mashinasozlar” metro bekatida sodir bo‘lgan. Tartib buzgan fuqarolarning shaxsi aniqlanib, Yashnobod tuman sudining sayyor majlisi tashkil etildi. Sud davomida ular bilan profilaktik suhbat o‘tkazildi.
Natijada, voyaga yetmagan ikki nafar shaxsning ota-onasiga “farzand tarbiyasi va ta’limi bo‘yicha majburiyatlarni bajarmaslik” moddasiga asosan ma’muriy bayonnoma tuzildi. Yana to‘rt nafar voyaga yetgan fuqaro esa “mayda bezorilik” moddasiga ko‘ra javobgarlikka tortilib, 3 baravar BHM (1 236 000 so‘m) miqdorida jarimaga tortildi.
Manba: Upl.uz
“Zamin”ni Telegramʻda oʻqing!
