[img]htps://zamin.uz/uploads/posts/2025-11/43be51fcf8_234234232740.webp[/img]
Qo‘ng‘irot tumanida bank qarzini uzmagan fuqaroning avtomashinasi xatlanib, auksionda sotildi, deb xabar berdi Byuroning Qoraqalpog‘iston bo‘limi.
Ma’lumotlarga ko‘ra, sud qaroriga asosan qarzdor K.Sh.dan “Biznesni rivojlantirish banki” foydasiga 282,5 million so‘mlik kredit qarzini undirish belgilangan. Uning kreditga olingan JETOUR DASHING rusumli avtomobili qarzni qoplash uchun ta’minot sifatida ko‘rsatilgan.
Davlat ijrochisi qarzdorga 15 kunlik ixtiyoriy muddat bergan va qarzni o‘z vaqtida to‘lamaslik oqibatlari haqida ogohlantirgan. Biroq belgilangan muddatda qarz to‘lanmagan.
Natijada avtomashina rasmiy tartibda xatlanib, elektron onlayn-auksion orqali sotuvga qo‘yilgan. 29 sentyabr kuni bo‘lib o‘tgan savdolarda u 222 million so‘mga sotilgan.
Sotuvdan tushgan mablag‘ bankka o‘tkazilgan. Mutasaddilarning aytishicha, bunday holatlar qarzdorlikni ixtiyoriy to‘lash zarurligini yana bir bor eslatib turadi.
“Zamin”ni Telegramʻda oʻqing!
