Xorazm viloyatida profilaktika inspektori pora olayotgan paytda qo‘lga olindi, deb xabar berdi Ichki ishlar vazirligi axborot xizmati.
Ma’lumotlarga ko‘ra, bir fuqaro sherigi bilan ochgan xususiy korxonadagi hujjatlar soxtalashtirilgani va daromadlar noqonuniy ravishda o‘zlashtirilayotgani bo‘yicha murojaat qilgan.
Shu jarayonda mazkur hudud uchun mas’ul profilaktika inspektori fuqaroga “masalani ijobiy hal etish”ni va’da qilib, ekspertiza xulosasini uning foydasiga chiqarish evaziga 1 000 AQSH dollari miqdorida pora talab qilgan.
Tezkor tadbir davomida inspektor Xiva shahrida pulni olayotgan vaqtida daliliy ashyolar bilan qo‘lga olingan.
Hozirda holat yuzasidan jinoyat ishi qo‘zg‘atilib, xodimga nisbatan qamoq ehtiyot chorasi qo‘llanilgan. Tergov Xorazm viloyati prokuraturasi nazoratida olib borilmoqda.
“Zamin”ni Telegramʻda oʻqing!
