Toshkentda voyaga yetmagan qizni fohishalikka majburlash holati aks etgan video ijtimoiy tarmoqlarda tarqaldi va jamoatchilikda katta g‘azab uyg‘otdi, deb xabar berdi Ichki ishlar boshqarmasi.
Ma’lum bo‘lishicha, videoda tasvirlangan ayollar shaxsi aniqlangan. Tergov jarayonida avval jinoyat uchun sudlangan, 2004 yilda tug‘ilgan Sh.T. ismli ayol 2008 yilda tug‘ilgan M.M.ni Toshkentning Mirzo Ulug‘bek tumanidagi xonadonda majburlab ushlab turgani ma’lum bo‘lgan.
U qizning telefonini olib sotgan va uning ojiz ahvolidan foydalanib, fohishalikka majburlab kelgan.
Hodisa yuzasidan jinoyat ishi qo‘zg‘atildi. Sh.T.ga nisbatan qator moddalar — odam savdosi, ozodlikdan g‘ayriqonuniy mahrum qilish va talonchilik bo‘yicha ayb qo‘yilgan hamda u qamoqqa olingan.
Hozirda jabrlanuvchi qizga Ijtimoiy himoya milliy agentligi Andijon viloyati bo‘limi tomonidan psixologik, huquqiy va ijtimoiy yordam ko‘rsatilmoqda.
Huquqni muhofaza qiluvchi organlar mazkur jinoyat bo‘yicha tergov harakatlarini davom ettirmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
