Rossiyaning Sankt-Peterburg aeroportida farg‘onalik yigit ushlangani va unga nisbatan jiddiy bosimlar bo‘layotgani haqida ma’lumotlar tarqaldi. Facebook'da “Farhod Temirtirnoq” nomi ostidagi foydalanuvchi yozishicha, 2002 yilda tug‘ilgan yigit samolyotga chiqmoqchi bo‘lgan paytda to‘xtatilgan va uning kurtkasi cho‘ntagiga soat solib qo‘yilgani aytilgan. Shundan keyin u o‘g‘irlikda ayblanib qo‘lga olingan.
Ma’lumotga ko‘ra, dam olish kunlari bo‘lgani uchun advokat yoki tarjimon bilan ta’minlash imkoni bo‘lmagan. Hozirda yigit migrantlar uchun vaqtincha saqlash markazida saqlanmoqda va unga huquqiy yordam ko‘rsatilmagan.
Facebook'dagi manba ta’kidlashicha, dushanba kuni sud bo‘lib, unga ikki variant taklif qilinayotgani aytilgan:
yo 5 yilgacha ozodlikdan mahrum qilish, yoki Ukrainadagi urushda ishtirok etishga rozilik.
Yana bir og‘ir ma’lumot sifatida, Farg‘ona viloyatining O‘zbekiston tumanidagi Elash va Go‘shtqishloq qishloqlariga urushda halok bo‘lgan yana to‘rt nafar vatandoshimiz jasadlari qaytarilgani qo‘shimcha qilingan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
