Paxtaobod tuman tibbiyot birlashmasiga nisbatan muhim sud qarori chiqdi — mehnat jarayonida halok bo‘lgan tibbiyot xodimasining qarindoshiga qariyb 796 million so‘m kompensatsiya to‘lab berildi. Bu haqda Aniq.uz xabar berdi.
Ma’lumotlarga ko‘ra, tibbiyot xodimasi ish jarayonida yiqilib og‘ir jarohat olgan va davolanishiga qaramay vafot etgan. Marhumaning qizi onasining mehnat vazifasini bajarish vaqtida halok bo‘lganini asos qilib sudga murojaat qilgan va ish Oliy sudgacha yetib borgan.
Oliy sud ishni xolis ko‘rib, Paxtaobod tuman tibbiyot birlashmasini marhumaning qizi — Sh.Ya. foydasiga kompensatsiya to‘lash majburiyatini kuchda qoldirdi. Qaror ijrosini amalga oshirish uchun MIB tomonidan choralar ko‘rilgan, chunki tashkilot mablag‘ni ixtiyoriy to‘lamagan.
Majburiy ijro natijasida 795 million 643 ming so‘m to‘liq undirildi. Bu holat mehnat jarayonida xodimlarning hayoti va xavfsizligi davlat tomonidan alohida himoya qilinishini yana bir bor tasdiqlaydi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
