Surxondaryoda to‘yda janjal chiqdi

Surxondaryo viloyati Boysun tumanidagi to‘yda ikki qishloq fuqarolari o‘rtasida janjal bo‘lib o‘tdi. Murojaatga ko‘ra, to‘y marosimidan so‘ng, mehmonlar bilan o‘zaro nizo kelib chiqqan va ular bir-birini urib, haqoratlagan.

Boysun tumanidagi "Xo‘jaidod" mahallasidagi to‘ydan keyin to‘rt kishi va qo‘shni mahalladan bir necha odam o‘rtasida janjal bo‘lgan. Hodisa mahalla oqsoqollari va profilaktika inspektori aralashuvi bilan tinchlantirilgan, fuqarolarning uylariga tarqalishi ta’minlangan.

Hech qanday jismoniy jarohat yoki jabrlanishlar bo‘lmagan. Profilaktika inspektori tomonidan tushuntirish ishlari olib borilib, yarashtirish ishi amalga oshirilgan.