Toshkent shahridagi Tashkent City majmuasida tong soatlarida yong‘in holati qayd etildi. Shayxontohur tumani hududida joylashgan majmuada konteyner yonayotgani haqida xabar kelib tushgani ortdan qutqaruv xizmatlari zudlik bilan harakatga o‘tdi.
Ma’lum qilinishicha, 6 yanvar kuni soat 08:55 da Botir Zokirov ko‘chasida, Tashkent City'ning 2-lot qismida konteynerdan yong‘in chiqqan. Xabarni olgan poytaxt favqulodda vaziyatlar xizmati texnikalari atigi ikki daqiqa ichida voqea joyiga yetib borgan.
Qutqaruvchilarning tezkor harakatlari natijasida yong‘in soat 09:01 da to‘liq o‘chirilgan. Hodisa oqibatida jabrlanganlar yo‘q, odamlar hayotiga xavf tug‘ilmagan.
Ayni paytda yong‘in kelib chiqish sabablari hamda yetkazilgan moddiy zarar miqdori aniqlanmoqda. Rasmiylar vaziyat to‘liq nazorat ostida bo‘lganini ta’kidlamoqda.
“Zamin”ni Telegramʻda oʻqing! 
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
