Andijon viloyatda tezlik nazoratiga mo‘ljallangan radar qurilmasiga tajovuz qilingani haqida xabar tarqaldi Ma’lumotlarga ko‘ra Marhamat tumanida 3 nafar voyaga yetmagan shaxs yo‘l bo‘yida o‘rnatilgan avtomatlashtirilgan foto va video qayd etish qurilmasini qasddan buzib keyin uni kanalga oqizib yuborgan
Qayd etilishicha joriy yilning 9 yanvar kuni Asaka–Marhamat avtomobil yo‘lida joylashtirilgan tezlikni aniqlovchi uskuna noma’lum shaxslar tomonidan shikastlantirilib olib ketilgani haqida ichki ishlar bo‘limiga ma’lumot kelib tushgan Shundan so‘ng tezkor qidiruv tadbirlari boshlangan
Olib borilgan surishtiruvlar davomida ushbu ishni uch nafar o‘smir sodir etgani aniqlangan Ma’lum bo‘lishicha ular radarni yog‘och yordamida urib tushirib keyin uni kanalga tashlab ketgan
Holat yuzasidan Jinoyat kodeksining 169 moddasi 2 qismi “a” bandi o‘g‘rilik bilan jinoyat ishi qo‘zg‘atilgan Hozirda tergov harakatlari davom etmoqda
“Zamin”ni Telegramʻda oʻqing!
