Toshkent viloyatida kuchli ta’sir qiluvchi kofe sotgan shaxs topildi
Toshkent viloyatining Bekobod shahrida 1976 yilda tug‘ilgan, ilgari bir necha marta sudlangan fuqaro tarkibida “sibutramin” moddasi bo‘lgan kuchli ta’sir qiluvchi mahsulotlarni sotgani aniqlandi va undan 28 984 dona mahsulot topildi. U “O‘rikzor” bozoridagi do‘konida xorijda ishlab chiqarilgan “30 Slimming”, “MAX Slimming” va “Keto Coffee” mahsulotlarini saqlagan.
Toshkent viloyatining Bekobod shahrida yashovchi, 1976 yilda tug‘ilgan, ilgari bir necha marta sudlangan fuqaro kuchli ta’sir qiluvchi moddalar tarkibiga ega mahsulotlar savdosi bilan shug‘ullanib kelgani aniqlandi.
Huquqni muhofaza qiluvchi organlar ma’lumotiga ko‘ra, u xorijda ishlab chiqarilgan, tarkibida “sibutramin” moddasi mavjud bo‘lgan “30 Slimming”, “MAX Slimming”, “Keto Coffee” kabi mahsulotlarni “O‘rikzor” bozoridagi do‘konida saqlagan.
Ko‘zdan kechirish davomida u yerda jami 28 984 dona zararli mahsulot topilgan. Ushbu holat yuzasidan unga nisbatan Jinoyat kodeksining 251¹ modda 5 qismi asosida jinoyat ishi qo‘zg‘atilgan, tergov harakatlari olib borilmoqda.
Shuningdek, Toshkent viloyatining Zangiota tumanidagi TIR-park hududida xorijlik haydovchi boshqaruvidagi yuk mashinasi salonidan “gashish” giyohvand modda aniqlangan. Bu bo‘yicha ham Jinoyat kodeksining 276 moddasi 1 qismi bilan jinoyat ishi ochilgan, gumonlanuvchiga “qamoq” ehtiyot chorasi qo‘llanilgan.
Izohlar 0
…