Toshkent viloyati Olmaliq shahrida joylashgan umumta’lim maktablaridan birida 10 sinf o‘quvchisi bo‘lgan qiz vafot etdi. Bu haqda bir qator manbalar xabar tarqatdi.
O‘quvchining onasi so‘zlariga ko‘ra, maktabda ayrim o‘quvchilar haqida mish-mishlar tarqalganidan so‘ng ichki ishlar xodimlari jalb etilgan va o‘quvchilar bilan keskin ohangda suhbatlar o‘tkazilgan. Ayrim qizlar alohida xonaga chaqirilgan. Marhumaning onasi bu jarayon bolalar uchun ruhiy bosim bo‘lganini ta’kidlagan.
Toshkent viloyati Maktabgacha va maktab ta’limi boshqarmasi rasmiy ma’lumotiga ko‘ra, hodisa 2026 yil 28 yanvar kuni Olmaliq shahridagi 5 sonli maktabda sodir bo‘lgan. 2009 yilda tug‘ilgan o‘quvchi maktab yo‘lagida hushini yo‘qotgan va ko‘rsatilgan dastlabki tibbiy yordamga qaramay vafot etgan.
Hozirda holat yuzasidan huquq-tartibot organlari tomonidan surishtiruv ishlari olib borilmoqda. Yakuniy xulosalar rasmiy tekshiruvlar yakunlangach e’lon qilinishi bildirilgan.
“Zamin”ni Telegramʻda oʻqing!
