Toshkentdagi maktablardan birida noma’lum shaxs pichoq bilan o‘quvchilarni qo‘rqitayotgani aytilmoqda
Toshkent shahridagi Mirobod tumani hududida joylashgan 60-maktab atrofidagi xabarlar ota-onalarni jiddiy xavotirga soldi. Ijtimoiy tarmoqlarda noma’lum shaxs qo‘lida pichoq bilan o‘quvchilarni qo‘rqitayotgani haqida gaplar tarqaldi.
Ma’lumotlarga ko‘ra, vaziyat yuzasidan huquqni muhofaza qiluvchi idoralar tezkor harakat qilgan. Toshkent shahar IIBB ma’lumotiga asosan, o‘quvchilarga tahdid qilgan fuqaro qo‘lga olingan. Hozirda holat bo‘yicha tekshiruv va qonun doirasidagi jarayonlar olib borilmoqda.
Ota-onalarga esa eng to‘g‘ri yo‘l — mish-mishga emas, rasmiy ma’lumotga tayanish: maktab ma’muriyati bilan aloqada bo‘lish, bolalar bilan tinch tarzda suhbatlashib, xavfsizlik qoidalarini eslatish. Agar shubhali holat yoki tahdid sezilsa, darhol 102ga qo‘ng‘iroq qilish kerak.
“Zamin”ni Telegramʻda oʻqing!
