Toshkentda voyaga yetmaganlar ishtirokidagi pornografik materiallarni tarqatgan shaxs qo‘lga olindi
Jizzax viloyati IIB tomonidan o‘tkazilgan tezkor tadbir davomida Telegram orqali voyaga yetmaganlar ishtirokidagi pornografik materiallarni tarqatgan shaxs aniqlandi, deb Kiberxavfsizlik markazi xabar berdi.
Ma’lum qilinishicha, u 442 nafar obunachiga ega bo‘lgan kanali orqali 403 turdagi taqiqlangan materiallarni joylashtirgan. Gumonlanuvchi o‘z ko‘rsatmasida bunday kanalga avval qiziqish tufayli qo‘shilgani, keyin esa o‘zi ham shunday sahifa ochganini bildirgan.
Shuningdek, Toshkent viloyatida yashovchi 21 yoshli yigit ham qo‘lga olingan. U Telegram’da qizlar nomidan 6 ta kanal ochib, jami 3750 ta pornografik material joylashtirgani ma’lum bo‘lgan.
Tekshiruvlarga ko‘ra, u boshqa ijtimoiy tarmoqlar orqali 837 nafar shaxsga voyaga yetmaganlar ishtirokidagi noqonuniy mahsulotlarni sotib, 29,2 mln so‘m miqdorida daromad olgan.
Mazkur holatlar yuzasidan Jinoyat kodeksining 130 moddasi 3 qismi bilan jinoyat ishlari qo‘zg‘atilgan. Gumonlanuvchilarga nisbatan qamoqqa olish tarzidagi ehtiyot chorasi qo‘llanilgan.
“Zamin”ni Telegramʻda oʻqing!
