Samarqand viloyatining Pastdarg'om tumanida noxush holat yuz berdi. Fuqarolik ishlari bo'yicha tuman sudining sudyasi pora olayotgan vaqtda huquq-tartibot organlari tomonidan qo'lga olindi. Mazkur tezkor tadbir Davlat xavfsizlik xizmati, Prokuratura va Sudyalar oliy kengashi hamkorligida o'tkazildi.
Aniqlanishicha, sudya 2022 yilda chiqarilgan aliment undirish to'g'risidagi qarorni qayta ko'rib chiqish jarayonida qonunbuzarlikka yo'l qo'ygan. Javobgar tomon sud qarorini yangi ochilgan holatlar bo'yicha qayta ko'rib chiqishni so'rab murojaat qilgan. Sudya esa ushbu ishni da'vogar foydasiga ijobiy hal qilib berish evaziga undan 300 AQSH dollari miqdorida pora talab qilgan.
Sudya pul mablag'ini olayotgan vaqtda ashyoviy dalillar bilan ushlangan. Hozirda mazkur holat yuzasidan O'zbekiston Respublikasi Bosh prokuraturasi tomonidan Jinoyat kodeksining 210-moddasi 2-qismi “v” bandi bilan jinoyat ishi qo'zg'atildi. Ayni paytda tergov harakatlari davom ettirilmoqda.
“Zamin”ni Telegramʻda oʻqing!
