Toshkent viloyati Bo‘ka tumani Soliq inspeksiyasi bosh inspektori noqonuniy harakatda ushlandi. U fermer xo‘jaligi rahbaridan soliq qarzdorligini to‘lash muddatini uzaytirish evaziga 10 mln so‘m talab qilgan.
Ma’lum bo‘lishicha, ushbu shaxs paxta va g‘alla yetishtirishga ixtisoslashgan fermer xo‘jaligining soliq organlaridagi 165,6 mln so‘mlik qarzdorligini viloyat soliq boshqarmasidagi hamkasbi orqali kechiktirib berishni va’da qilgan.
Davlat xavfsizlik xizmati va Bosh prokuratura huzuridagi Departament xodimlari hamkorligida o‘tkazilgan tezkor tadbirda mansabdor shaxs so‘ralgan pul mablag‘ini o‘z xizmat xonasida olayotgan vaqtda ushlandi va ashyoviy dalillarga ega bo‘ldi.
Mazkur holat yuzasidan bosh inspektorga nisbatan Jinoyat kodeksining 168-moddasi 3-qismi “v” bandi va 28,211-moddasi 1-qismi bo‘yicha jinoyat ishi qo‘zg‘atildi, unga nisbatan “qamoq” ehtiyot chorasi qo‘llandi. Hozirda tergov harakatlari faol olib borilmoqda.
Huquqni muhofaza qiluvchi organlar fuqarolarni bunday qonunbuzilish holatlariga duch kelgan taqdirda Davlat xavfsizlik xizmati 1520 qisqa raqamiga murojaat qilishga chaqirmoqda. Shaxsning sir saqlanishi kafolatlanadi.
Bu voqea mansabdor shaxslarning qonuniy mas’uliyatini yanada kuchaytirish va soliq tizimida shaffoflikni ta’minlashning ahamiyatli misoli bo‘ldi.
“Zamin”ni Telegramʻda oʻqing!
