Fuqaro U.Q. o‘zining boshqaruvidagi jamiyatda g‘allachilik klasteri faoliyati bilan shug‘ullanib, bank oldidagi majburiyatini bajarmaslik maqsadida, fermer xo‘jaliklari tomonidan topshirilgan 425 mln. so‘mlik g‘alla mahsulotlarini o‘zining boshqaruvidagi boshqa jamiyatlar orqali sotib, sotuvdan tushgan pul mablag‘larini boshqa maqsadlarda sarflaganligi oqibatida bankka ko‘p miqdorda zarar yetkazgan.
Shu sababli, u Jinoyat ishlari bo‘yicha Qorao‘zak tuman sudining 29.11.2025 yildagi hukmi bilan O‘zbekiston Respublikasi JKning 192-11-moddasida nazarda tutilgan jinoyatni sodir etgan deb topilib, unga nisbatan BHMning bir yuz ellik baravari, ya’ni 56 250 000 so‘m jarima jazosi tayinlangan.
Ushbu hukmga asosan chiqarilgan ijro varaqasi Majburiy ijro byurosi Qorao‘zak tuman bo‘limi ish yurituviga kelib tushgan va bo‘lim davlat ijrochilari tomonidan ijro harakatlariga kirishilgan.
Xususan, qarzdorning O‘zbekiston Respublikasidan tashqariga chiqish huquqiga nisbatan cheklov o‘rnatilib, undiruv uning ish haqiga qaratilgan.
Shundan so‘ng, fuqaro tomonidan ushbu 56,2 mln. so‘mlik jarima to‘liq to‘lab berilgan.
“Zamin”ni Telegramʻda oʻqing!
