2025 yil davomida Ichki ishlar organlari xodimlari tomonidan mahkumlarga nisbatan qiynoqlar qo‘llangani bilan bog‘liq holatlar aniqlanib, 4 nafar xodimga nisbatan jinoyat ishi qo‘zg‘atildi. Shu bilan birga, yana 13 nafar xodim intizomiy javobgarlikka tortilgan, ulardan 2 nafari ishdan bo‘shatilgan, 1 nafari esa ogohlantirilgan.
Ombudsman Feruza Eshmatovaning ma’lum qilishicha, yil davomida 954 ta monitoring tashrifi o‘tkazilgan. Ushbu tashriflar davomida 11 mingdan ortiq mahkum bilan jamoaviy, qariyb 5,5 ming nafar mahkum bilan esa individual suhbatlar tashkil etilgan.
Aniqlangan kamchiliklar asosida tegishli vazirlik va idoralarga 33 ta taqdimnoma hamda talabnomalar kiritilgan. Shuningdek, ayrim hibsxonalar sanitariya va gigiyena talablariga javob bermagani sababli ularning faoliyati vaqtincha to‘xtatilgan.
“Zamin”ni Telegramʻda oʻqing!
