G‘uzor tumanida soliq qarzdorligini undirishga qaratilgan ijro harakatlari davomida qarzdor fermer xo‘jaligiga tegishli avtotransport vositasi xatlandi. Qarzdorlik miqdori 84 million so‘mni tashkil etgan.
Byuroning G‘uzor tuman bo‘limi davlat ijrochisi tomonidan “O‘lmas Jabbor o‘g‘li" fermer xo‘jaligining soliq qarzdorligini undirish yuzasidan ijro harakatlari olib borildi.
Qarzdor tomonidan belgilangan muddatlarda soliq majburiyatlari ixtiyoriy ravishda bajarilmaganligi sababli, qonunchilikda belgilangan tartibda majburiy choralar qo‘llanildi.
Jumladan, fermer xo‘jaligiga tegishli bo‘lgan Chevrolet MENLO rusumli avtotransport vositasi xatlanib, vaqtincha saqlash uchun jarima maydonchasiga joylashtirildi.
Coliq majburiyatlarini o‘z vaqtida bajarmaslik majburiy ijro choralarini qo‘llashga olib keladi. Qonun ustuvorligi taʼminlangan sharoitda har bir qarzdor o‘z majburiyatini bajarishi shart.
“Zamin”ni Telegramʻda oʻqing!
