Taniqli bloger Temurmalikning otasining o‘limi bilan bog‘liq holat yuzasidan tekshiruv ishlari boshlandi
Tanqli bloger Temurmalikning otasi sirli sharoitda vafot etgani munosabati bilan huquq-tartibot idoralari tekshiruv boshladi. Blogerning ta'kidlashicha, Altsgeymer kasalligi bilan og'rigan otasi ruhiy kasalliklar shifoxonasiga olib borilgach, ahvoli og'irlashgan va uyga qaytgach vafot etgan. Bosh prokuratura ushbu holat yuzasidan tergovga qadar tekshiruv harakatlari boshlanganini tasdiqladi. Marhumning o'lim sababini aniqlash uchun sud-tibbiy ekspertizasi tayinlangan.
Taniqli bloger Temurmalik o‘z otasining vafoti bilan bog‘liq holat yuzasidan huquq-tartibot idoralari tekshiruv boshlaganini ma’lum qildi. Uning aytishicha, 14 aprel kuni otasi Samarqand shahar IIB xodimlari tomonidan Samarqand tumanidagi ruhiy kasalliklar shifoxonasiga olib borilgach, sirli sharoitda vafot etgan.
Blogerning yozishicha, otasi so‘nggi vaqtlarda Altsgeymer kasalligi bilan og‘rigan va oila tomonidan uy sharoitida parvarish qilingan. Biroq 10 aprel kuni u “noma’lum tarzda yo‘qolib” qolgan, bir kun davom etgan qidiruvdan so‘ng esa u ruhiy kasalliklar shifoxonasidan topilgan.
Ma’lumotlarga ko‘ra, o‘sha paytda shanba kuni bo‘lgani uchun bemorni shifoxonadan faqat dushanba kuni ruxsat bilan olib ketish mumkinligi aytilgan. Dushanba kuni u uyga qaytarilgan, biroq ahvoli og‘ir bo‘lib, bir sutka o‘tib vafot etgan.
Bosh prokuratura ushbu holat yuzasidan tergovga qadar tekshiruv harakatlari boshlanganini tasdiqladi. Marhumning o‘lim sababini aniqlash uchun sud-tibbiy ekspertiza tayinlangan.
Idora ma’lumotiga ko‘ra, tekshiruv har tomonlama va xolis o‘tkazilib, natijalariga ko‘ra qonuniy qaror qabul qilinadi.
Izohlar 0
…