Termizda maktab direktori pora uchun 4 yilga qamaldi
Termiz tumanida maktab direktori pora olgani uchun 4 yilga ozodlikdan mahrum etildi. U ishdan bo'shatilgan xodimni qayta ishga joylashtirish evaziga 2 million so'm talab qilgan. Sud uni Jinoyat kodeksining 210-moddasi bilan aybdor deb topib, 2 yilga rahbarlik lavozimlaridan ham chetlatdi.
Surxondaryo viloyati Termiz tumanida maktab direktori pora olishda aybdor deb topilib, sud qarori bilan 4 yil ozodlikdan mahrum etildi.
Maʼlumotlarga koʻra, u ishdan boʻshatilgan xodimni qayta ishga joylashtirishda yordam berish evaziga 2 million soʻm talab qilgan.
Dastlab 1 million soʻm va bank plastik kartasi olingan, keyin esa kartadagi qolgan mablagʻ ham naqdlashtirilgani aniqlangan.
Sud hukmiga koʻra, u Jinoyat kodeksining 210-moddasi — pora olish bilan aybdor deb topilgan.
Shuningdek, u 2 yil muddatga rahbarlik lavozimlarida ishlash huquqidan mahrum qilingan.
Izohlar 0
…