Kartalardan aktseptsiz yechishga yangi minimal qoldiq tartibi joriy etiladi
2026-yil 15-apreldan boshlab bank kartalaridan mablag‘larni avtomatik (akseptsiz) yechib olish bo‘yicha yangi tartib joriy etiladi. Unga ko‘ra, har bir karta hisobida BHMning 3 baravari miqdorida kamaytirilmaydigan minimal qoldiq saqlanishi majburiy etib belgilanadi. Endilikda qarzdorliklarni undirish faqat ushbu "xavfsiz qoldiq"dan yuqori bo‘lgan mablag‘lar doirasida amalga oshiriladi va karta balansi to‘liq nolga tushib qolmaydi. Mazkur o‘zgarish fuqarolarning moliyaviy xavfsizligini ta’minlash hamda kutilmagan to‘liq yechimlarning oldini olishga xizmat qiladi.
2026 yil 15 apreldan boshlab mamlakatda bank kartalari orqali aktseptsiz, yaʼni mijoz roziligisiz avtomatik ravishda yechib olish operatsiyalariga yangi tartib joriy etiladi.
Yangi qoidalarga koʻra, kartalarda minimal kamaytirilmaydigan qoldiq belgilanadi. Ushbu talabga muvofiq, har bir karta hisobida doimiy ravishda kamida BHMning 3 baravari miqdorida mablagʻ saqlanishi shart boʻladi. Bu esa karta balansi toʻliq nolga tushib qolishining oldini oladi.
Yangi tizim amaliyotga kirgach, avtomatik toʻlovlar va qarzlarni undirish jarayonlari faqat belgilangan chegaradan yuqori boʻlgan mablagʻlar doirasida amalga oshiriladi. Yaʼni majburiy yechimlar kartadagi “xavfsiz qoldiq”dan tegib oʻtmaydi.
Maʼlumot uchun, aktseptsiz yechib olishlar koʻpincha bank kreditlari, rassrochka toʻlovlari yoki boshqa moliyaviy majburiyatlarni qoplash uchun qoʻllaniladi. Bu tizim qarzdorlikni avtomatik undirishni taʼminlaydi.
UZCARD tizimi tomonidan bildirilishicha, yangi talablar bank tomonidan oldindan mijozdan olingan va OTP tasdiqlangan karta maʼlumotlariga nisbatan qoʻllanilmaydi.
Mutaxassislar fikricha, ushbu oʻzgarishlar foydalanuvchilarning moliyaviy xavfsizligini oshirishga xizmat qiladi va kutilmagan toʻliq mablagʻ yechilib ketishi kabi holatlarni kamaytiradi.
Izohlar 0
…