Buxoro viloyatida xavotirli holat aniqlandi — mast holda transport boshqarib, o‘nlab bolalar hayotini xavf ostiga qo‘ygan haydovchi to‘xtatildi.
Yo‘l harakati xavfsizligi xizmati ma’lumotiga ko‘ra, voqea 2026 yil 28 aprel kuni Romitan tumanida sodir bo‘lgan. YPX xodimlari tekshiruv davomida Isuzu rusumli avtobusni to‘xtatib, haydovchining mast ekanini aniqlagan. Ma’lum bo‘lishicha, u transport vositasida 40 nafar bog‘cha bolasini olib ketayotgan bo‘lgan.
Shuningdek, haydovchi yo‘l-patrul xizmati xodimlarining qonuniy talablariga ham bo‘ysunmagani qayd etilgan. Holat yuzasidan unga nisbatan ma’muriy bayonnoma rasmiylashtirilib, qonun doirasida jazo tayinlangan.
Qarorga ko‘ra, u 3 yil muddatga transport boshqarish huquqidan mahrum etildi hamda 16 million 480 ming so‘m miqdorida jarimaga tortildi.
Aytish joiz, bu kabi holatlar so‘nggi vaqtlarda boshqa hududlarda ham kuzatilmoqda. Jumladan, Samarqand va Andijon viloyatlarida ham bolalarni me’yordan ortiq holda tashish holatlari aniqlanib, haydovchilarga nisbatan chora ko‘rilgan.
Mutaxassislar bu kabi qoidalar buzilishi bolalar xavfsizligiga jiddiy tahdid solishini ta’kidlab, nazoratni kuchaytirish zarurligini qayd etmoqda.
“Zamin”ni Telegramʻda oʻqing!
