Qimorning oxiri o‘lim! UFC jangchisiga pul tikkan ikki erkak o‘z joniga qasd qildi
Ijtimoiy tarmoqlarda Hamzat Chimayev ishtirokidagi UFC jang natijasiga pul tikib, katta miqdorda moliyaviy yo'qotishga uchragan ikki nafar o'zbekistonlik erkak o'z joniga qasd qilgani haqida xabarlar tarqaldi. Ma'lumotlarga ko'ra, marhumlar kredit olib va uydagi bor mablag'larini ham sport stavkalariga sarflagan. Biroq ayni paytda mazkur holat yuzasidan rasmiy idoralar tomonidan tasdiqlangan ma'lumot berilmagan.
Ijtimoiy tarmoqlarda UFC jangidan keyin sport stavkalari bilan bog‘liq fojiali holat haqida xabarlar tarqaldi. Unda aytilishicha, Hamzat Chimayev ishtirok etgan jang natijasiga katta miqdorda pul tikkan ikki nafar o‘zbekistonlik erkak og‘ir moliyaviy yo‘qotishlardan keyin o‘z joniga qasd qilgan.
Tarqalayotgan ma’lumotlarda ular kredit olib, uydagi bor mablag‘larini ham sport stavkalariga sarflagani aytilmoqda. Shuningdek, janozalar o‘qilgani haqida ham xabarlar paydo bo‘lgan. Biroq ayni paytda mazkur holat yuzasidan rasmiy idoralar tomonidan tasdiqlangan ma’lumot berilmagan.
Mazkur xabarlar ijtimoiy tarmoq foydalanuvchilari orasida katta muhokamalarga sabab bo‘ldi. Ko‘pchilik sport stavkalari va qimorga qaramlikning salbiy oqibatlari haqida fikr bildirmoqda. Mutaxassislar esa moliyaviy tavakkalchilik va emotsional qarorlar inson hayotiga jiddiy ta’sir ko‘rsatishi mumkinligini ta’kidlab keladi.
Izohlar 0
…