"O‘zbekiston pochtasi" bo‘limlarida UzPaynet xizmati joriy etiladi

"O‘zbekiston pochtasi" AJ hamda UzPaynet MChJ o‘rtasida Bosh kelishuv imzolandi. Kelishuvga ko‘ra, pochta aloqasi ob’yektlari orqali jismoniy shaxslardan UzPaynet dasturiy-apparat kompleksida mavjud bo‘lgan barcha xizmatlar uchun to‘lovlar qabul qilinadi.

Hozirda ushbu tizimni "O‘zbekiston pochtasi"ning barcha kompyuterlashtirilgan aloqa bo‘limlarida joriy etish bo‘yicha ishlar olib borilmoqda.

“O‘zbekiston pochtasi” AJ ma’lum qilishicha, mazkur kelishuv AJ tomonidan taqdim etilayotgan shartnomaviy xizmat turlarini kengaytirish orqali daromadni oshirish maqsadida imzolangan.

Manba: Uz24.uz