Sergelida “pichoqlangan qiz voqeasi"ning videosi tarqaldi

Jabrlangan qiz sud qaroridan norozi ekanini ijtimoiy tarmoqlarda bildirmoqda, deb yozadi Qalampir.uz
Avvalroq, Toshkent shahrining Sergeli tumanida mast holdagi noma’lum shaxs bir qizni pichoqlab, voqea joyidan g‘oyib bo‘lgani haqida xabar bergandik.

27 iyul kuni soat taxminan 10:30 larda Sergeli tumani hududida joylashgan “Rixsivoy” kafesida mast holda fuqaro Lyudmila Petrovna Mironovaning ko‘krak qafasi chap tarafiga o‘tkir tig‘li jism bilan tan jarohati yetkazgani aytilgan edi.
Sergelida bo‘lib o‘tgan qurolli olishuv oqibatida bir qizning jarohat olgani tasvirlangan videolavhalar tarqatildi.
Toshkent shahar Ichki ishlar bosh boshqarmasi ushbu jinoyat ishi yuzasidan ma’lumotlarni ma’lum qilgan edi. Ushbu jinoyat ishi aks etgan videolavhalar kafe ichida o‘rnatilgan kuzatuv kameralaridan olingan.

Lavhada qizlar hazillashib ko‘chada o‘zaro suv sepishgan. Boshqa bir sheriklarini suv sepaman deb savdo do‘koni ichida bo‘lgan notanish odamga suv sepadilar. Bundan g‘azablangan erkak ko‘chada turgan qizlarni tepishga harakat qiladi. Biroq qizlar va bir nafar ular tomonidagi erkak suv sepilgan shaxsga qarshi qo‘l ko‘taradi.
Oqibatda suv sepilgan shaxs cho‘ntagidan pichoq olib qizning yelkasiga sanchadi. Ushbu holatda qizning spirtli ichimlik ta’sirida bo‘lgani aniqlanadi.

Ijtimoiy tarmoqlarda jabrlangan qiz, o‘ziga jarohat yetkazgan shaxsga nisbatan chiqarilgan qarorning adolatsiz ekanini aytgan.
Biroq jabrlanuvchi va uning “sheriklari” jamoat joyida o‘zlarini ahloqsiz ravishda tutganliklari haqida “lom-mim” deyishmagan, aniqrog‘i bo‘lib o‘tgan voqea-hodisada ularning ham beozor ko‘rinsada “kurakda turmaydigan qiliqlari” borligini tan olishmagani hayratlanarli.

Ma’lumot uchun, jinoyat ishi yuzasidan Jinoyat kodeksining 277-moddasi 3-qismiga asosan uch yil muddatga ozodlikni cheklash jazosi qo‘llanilgan edi. “Zamin” yangiliklarini “Telegram”da kuzatib boring