Urganchlik yuk mashina haydovchisi qo‘shnisini bosib ketdi...

Atrofdagilarning og‘irini yengil qilish har bir shaxsning yuksak fazilat egasi ekanidan darak beradi. Biroq har bir harakatni o‘ylab, ehtiyotkorlik bilan amalga oshirish, xavfsizlik choralarini ko‘rish muhim hisoblanadi.

“Qosh qo‘yaman, deb ko‘z chiqargan”, aniqrog‘i birovga yaxshilik qilaman deb bexosdan unga zarar yetkazib qo‘ygan kishilar haqida eshitgansiz. Xuddi shunday holat Xorazm viloyatida sodir bo‘ldi...

15 oktyabr kuni Urganch tumanida yashovchi 1980 yilda tug‘ilgan M.Qurbanov o‘ziga tegishli bo‘lgan “ZIL-130” rusumli yuk avtomashinasida qo‘shnisi 1940 yilda tug‘ilgan B.Tojimovning sholi somonini daladan uyiga olib kelishda ko‘maklashmoqchi bo‘ladi.

Avtomashinaga somon ortish jarayonida, haydovchi orqaga harakatlanish paytida ehtiyot choralarini ko‘rmaganligi bois, avtomashina orqasida turgan qo‘shnisini bosib o‘tadi. Natijada 77 yoshni qarshilagan otaxon olingan tan jarohati tufayli hodisa joyida vafot etgan.

Mazkur holat yuzasidan surishtiruv ishlari olib borilayotgani xabar qilingan.

Manba: Qalampir.uz