Rishton tumanida yashovchi tadbirkor Dilshod Boltaboyev shahar markazidagi dehqon bozori hududida xalq kutubxonasi ochdi.
"Xalq so‘zi" gazetasi yozishicha, Prezidentimizning 2017 yil 13 sentyabrda imzolangan “Kitob mahsulotlarini nashr etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ib qilish bo‘yicha kompleks chora-tadbirlar dasturi to‘g‘risida”gi qarori e’lon qilingach, tadbirkor anchadan beri o‘ylab yurgan niyati — bozor hududida bir kutubxona tashkil etish harakatiga tushib qoldi. Bu niyatini ijtimoiy tarmoqlar orqali bildirib, buning uchun unga bosma kitoblar yuborish mumkinligini e’lon qildi. O‘zbek tiliga davlat tili maqomi berilganligiga 28 yil to‘lgan kunda Rishton shahri markazidagi dehqon bozori hududida 400 ga yaqin kitobni jamlagan “Roshidoniy” nomidagi xalq kutubxonasi ochildi.
Kitoblar xalqdan yig‘ildi. Bu haqda tadbirkorning o‘zi shunday deydi:
"Prezidentimizning kitobga bo‘lgan yuksak e’tibori menga qanot bag‘ishladi. Mehr va ishtiyoq bilan kutubxona tashkil etishga kirishdik. Ochig‘i, 15 — 20 kunda bunchalik ko‘p kitob yig‘iladi, deb o‘ylamagandik. Javonimizga ba’zi kitoblar sig‘may ham qoldi. Taniqli yozuvchi va shoirlar o‘z asarlarini yuborishganida, ayniqsa, boshim osmonga yetdi. Kitob jo‘natgan ma’rifatparvar yurtdoshlarimizga rahmat".
Tadbirkor o‘z hisobidan kutubxonaga katta kitob javoni yasattirdi.
Yangi ish boshlagan kutubxonaning boshqalaridan farqi shundaki, unga a’zo bo‘lish shart emas. Bu yerda ma’rifiy kitoblardan tortib, Alisher Navoiy, Fyodor Dostoyevskiy, Aleksandr Dyuma, Chingiz Aytmatov, Abdulla Qahhor, O‘tkir Hoshimov, Abdulla Oripov asarlarigacha mavjud.
Kutubxonadan foydalanish bepul. Istagan kishi kitobni olib, o‘qishi mumkin.
Dilshod Boltaboyev oilali, ikki nafar farzandi bor. Kuz-qish mavsumida pechka, quvur, yozda esa asosan, banka sotish bilan shug‘ullanadi. U kutubxonada kitoblar ko‘paygach, kitoblarni imkoniyati cheklangan yoki kam ta’minlangan oilalar farzandlari uchun tarqatishni niyat qilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Immunitetni ko‘tarish uchun 6 ta eng yaxshi vitamin
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Tramp Putinga qo‘ng‘iroq qilib, Ukrainadagi urushni muhokama qildi
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
