Shavkat Mirziyoyev Qirgʻizistonga keldi

Prezident Shavkat Mirziyoyev 3 sentyabr kuni Qirgʻizistonning Choʻlpon ota shahriga tashrif buyurdi, deb xabar qilmoqda davlat rahbari matbuot xizmati.

Issiqkoʻl aeroportida davlat rahbarini Qirgʻiziston Respublikasi bosh vazirining birinchi oʻrinbosari Kubatbek Boʻronov va boshqa rasmiy kishilar kutib oldi.

Shavkat Mirziyoyev bu yerda Turkiy tilli davlatlar hamkorlik kengashi sammitida ishtirok etadi.