12:52 / 07.10.2018
4 233

Tadbirkor Fazilat Normurodova: “Meni tuman hokimi kaltakladi!!!”

Tadbirkor Fazilat Normurodova: “Meni tuman hokimi kaltakladi!!!”
Voqea Qashqadaryo viloyatining Koson tumanida sodir boʻlgan. “Anhor” nashri xabariga koʻra, tadbirkor Fazilat Murodovani tuman hokimi Baxtiyor Rajabov shafqatsizlarcha kaltaklagan. Nega?..

— Men hokimning qabuliga kelgandim, — deya davom etadi tadbirkor. — Ariza bergandim, shu arizamning taqdiri nima boʻlganidan xabar olish niyatim bor edi. Meni koʻrdi-yu, hokim jahl otiga mindi. Meni igʻvogar va nuqul portalga shikoyat qiladigan tuhmatchi deya haqoratladi. Men aytdimki, mening muammolarim oʻz yechimini topmayapti. Portal xuddi shunday masalalarni hal etishda fuqarolarga berilishi uchun tuzilganini aytish bilan gapimni yakunladim va chiqib ketdim. Sal oʻtmay hokim ham ortimdan chiqdi. Men undan buyogʻiga nima qilishimni soʻragandim, meni haqoratlay ketdi. Bu haqoratlarga chidab tura olmadim. Haqoratlari uchun yuqori tashkilotlarga arz qilishimni aytdim. U esa kutilmaganda menga tashlanib, boʻgʻa boshladi. Bir qoʻli bilan boʻgʻdi, ikkinchi qoʻli bilan duch kelgan yerimga qoʻl zarbalari yoʻllay boshladi. Bizni oʻtkinchilar ayirib qoʻyishdi….

Kaltaklashlardan keyin Normurodova kasalxonaga tushib qolgan. Vrachlar unga miya chayqalish tashhisini qoʻyishdi. Ayol hokimning ustidan prokuraturaga shikoyat arizasi bilan murojaat etdi. Hozir respublika prokuratura xodimlari ushbu fakt boʻyicha tekshiruv ishlarini olib bormoqda. Hokim esa telefon orqali suhbatda oʻz aybini qatʼiyan rad etdi. Ayni paytda oʻz ishlari bilan bandligini, uning ayollarga qoʻl koʻtaradigan odati yoʻqligini alohida taʼkidladi.

Ayni lahzalarda jurnalistlar prokuraturadan shu masaladagi yangi faktlarni aniqlashga harakat qilishmoqda.

Manba: Hordiq.uz
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)