MIB soxta sertifikatchini fosh qildi

Byuroning Toshkent shahar boshqarmasi xodimlari fuqarolarga davlat qiyoslash sertifikatlarini pora evaziga qalbakilashtirib, 150.000 soʻm miqdorigacha boʻlgan pullarni olib, bir qator noqonuniy hatti-harakatlar sodir etgan “Toshshahargaz” hududiy filiali xodimi R.K. ekanligini fosh qildi.

Jumladan, Yashonobod tumani Mirgʻob koʻchasidagi 35-uyda yashovchi fuqaro K.R.xonadonidagi gaz hisoblagichini navbatdagi davlat qiyoslashdan oʻtkazib berishini soʻraganida “Toshshahargaz” hududiy filiali xodimi R.K. rozi boʻlib evaziga 150.000 soʻm pul berishini aytadi. Xonadon egasi uy hisoblagichlarini 150.000 soʻm pul berib davlat qiyoslashdan oʻtkazishga rozi boʻladi.

Oradan 2-3 kun oʻtgandan keyin Mirgʻob koʻchasidagi 35-uy borib, oq varaqqa uning hisob raqamini, hisoblagich rusumini va davlat raqamini yozib va xonadondagi gaz hisoblagichini yechib olib kelishilgan pulning oldindan 100.000 soʻmini olib, Yashnobod tumanida joylashgan “Kadisheva” bozori yonidagi foto salonga borib, oʻzida mavjud boʻlgan lekin foydalanilgan serktifikatni berib, uni skanerlashni va ruchkada yozilgan yozuvlarni oʻchirib berishini soʻraydi.

Shundan soʻng, foto salon ishchisi R.K. aytgan iltimoslarni bajarib, sertifikatda ruchkada yozilgan joylarini oʻchirib, oq qogʻozga rangli qilib 6 dona qalbaki sertifikatni tayyorlab beradi va 10 kundan keyin “Toshshahargaz” hududiy filiali xodimi R.K. yuqoridagi manzildagi

K.R. xonadoniga borib, gaz hisoblagichini oʻrnatib, qoʻlbola usulda tayyorlangan sertifikatni uy egasiga taqdim qiladi. Lekin xonadon egasi soxta sertifikat ekanligini sezmaydi ham.

R.K. noqonuniy hatti harakatlarini davom ettirib, Yashnobod tumani Qashqadaryo 1-tor koʻchasi 1-uyda yashovchi fuqarodan, Axsikat koʻchasidagi yana bir xonadon egalaridan soxta yasalgan sertikfikatni berib, gaz hisoblagichni oʻrnatib berib evaziga har bir xonadondan 150.000 soʻm miqdoridagi noqonuniy ishlari uchun pora olganligi aniqlandi.

Hozirda surishtiruv ishlari olib borilmoqda. “Zamin”ni Telegramʻda oʻqing!