14:14 / 17.05.2019
3 899

Shavkat Mirziyoyev: «Qarsak chalaversanglar, ura-ura qilaversanglar, bizning ham oyog‘imiz yerdan uzilsa, keyin odamlar kimga ishonadi?»

Shavkat Mirziyoyev: «Qarsak chalaversanglar, ura-ura qilaversanglar, bizning ham oyog‘imiz yerdan uzilsa, keyin odamlar kimga ishonadi?»
Foto: Prezident matbuot xizmati
Prezident Shavkat Mirziyoyev rahbarligida Andijon viloyati hokimligida faollar yig‘ilishi bo‘lib o‘tgani haqida xabar bergandik.

«Kun.uz»ning ma’lum qilishicha, prezident yig‘ilish davomida viloyat aholisi o‘sib borayotgani yana ko‘plab uylar qurilishi va qo‘shimcha ish o‘rinlari yaratilishi kerakligini ta’kidladi.

«Viloyatda 134 ming kishi ishsiz, 283 ming kishi xorijga ishlashga ketgan. 417 ming kishiga, ya’ni mehnatga yaroqli aholining 30 foizi uchun ish o‘rinlari kerak.

Agar viloyatdagi tumanlar sektorlari rahbarlari o‘tgan ikki yil davomida kerakli ishlarni qilib, ajratilgan mablag‘larni to‘g‘ri yo‘naltirganida edi, hech bo‘lmasa 250 ming kishi uchun ish o‘rni yaratish mumkin bo‘lardi.

Viloyatdagi avtomobil zavodi (GM Uzbekistan Asaka avtomobil zavodi - tahr.) bizga ko‘p yordam bermayapti. Zavod rahbarlarini almashtirdik, korrupsiyani yo‘qotdik.

Zavod qancha yildan beri ishlayotgan bo‘lsa, hali ham uskunani Koreyadan olib keladi.

Bunaqa zavoddan 5ta qurib, raqobatbardosh qilish kerak. Odamlar o‘zi uchun arzonini tanlab olishi kerak. Biz bitta zavodga hamma sharoitlarni yaratib berdik, boshqa davlatlar ishchilarini boqib yurdik.

Bitta mashina zavodi 3 million aholini boqadimi? Hech qachon boqa olmaydi. Shuning uchun, Hyundai zavodlarini ochyapmiz vodiyning boshqa viloyatlarida. Jizzaxda zavod ochyapmiz.

Chunki, mashina raqobatbardosh bo‘lishi kerak. Bozor iqtisodiyoti shunday. Bu zavodga esa shuncha yil davomida barcha sharoitlarni berib qo‘ydik, mazza qilib yurishdi, aqlini ishlatmay yurishdi. Qanday qilib 20 yildan beri mashina uchun barcha xom ashyo va ehtiyot qismlarni Koreyadan olib kelib yurish mumkin? Biz o‘zimiz eplay olmaymizmi?

Bugun vazifa qo‘ydim, zavod 10 ming ishchi o‘rni yaratishi kerak. Yo‘qsa bunaqa zavod kerakmas. Holbuki, viloyatda 417 ming ishchi o‘rni yaratilishi kerak.

Men har kuni uchtadan qaror chiqarishim mumkin, lekin birgina Andijonda yarim million kishi ishsiz bo‘lsa, odamlar bizdan rozi bo‘ladimi? Maqtayversanglar, qarsak chalaversanglar, ura-ura qilaversanglar, bizning ham oyog‘imiz yerdan uzilsa, keyin odamlar kimga ishonadi?», dedi prezident.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Shavkat Mirziyoyev: «Qarsak chalaversanglar, ura-ura qilaversanglar, bizning ham oyog‘imiz yerdan uzilsa, keyin odamlar kimga ishonadi?»