Aniqlanishicha, videoda aks etgan holat joriy yil 14 fevral kuni Surxondaryo viloyatining Oltinsoy tumanida yuz bergan.
Viloyat IIBdan olingan ma’lumotga ko‘ra, 2020 yil 14 fevral kuni soat 16:05larda O‘zbekiston Respublikasi prezidentining “Qishloq xo‘jaligi yer va suv resurslaridan samarali foydalanish chora-tadbirlari to‘g‘risida”gi 2019 yil 17 iyundagi PF-5742-son farmoni hamda Bosh prokuraturaning 2019 yil 4 dekabr kunidagi 11/8-19-sonli topshirig‘i ijrosini ta’minlash maqsadida Oltinsoy tumanining Halqabod mahallasida joylashgan fermer xo‘jaligiga tegishli yer maydoniga fuqarolar M.I., M.D., N.F., T.A., M.S. va S.A. noqonuniy ravishda qurgan uylarni buzish vaqtida aholi tomonidan hokimiyat va kadastr vakillariga faol qarshilik ko‘rsatilib, ularning qonuniy buyruq talablariga bo‘ysunmaslik holati yuz bergan.
Shundan so‘ng, vaziyatga ichki ishlar organlari xodimlari aralashib, holatni yumshatmoqchi bo‘lgan. Biroq, vaziyat taranglashib, IIB xodimlari va fuqarolar o‘rtasida urush-janjal kelib chiqqan.
Urush-janjal vaqtida fuqarolar tomonida tosh va tayoqlar bilan xodimlarga tan jarohatlari yetkazilgan. Natijada Oltinsoy tumani IIB JTSG Konvoy xizmati guruhi safdor-xodimi Sh.Mustafoqulov va bo‘lim HPB IIO tayanch punktlari profilaktika inspektorining jamoat tartibini saqlash bo‘yicha yordamchisi A.Jabborov turli darajadagi tan jarohatlari olgan. Sh.Mustafoqulovning jarohati jiddiy ekanligi sabab u kasalxonaga yotqizilgan.
Aholi vakillari orasida tan jarohati olganlar haqida ma’lumotlar berilmagan.
Mazkur holat yuzasidan hozirda Oltinsoy tuman prokuraturasi tomonidan tergovga qadar tekshirish harakatlari olib borilmoqda.
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Samarqandda haydovchidan pora so‘ragan YPX xodimlari ishdan bo‘shatildi
Otabek G‘ulomxo‘jayev: "Tarixiy g‘alaba orqali o‘zbek xalqiga xursandchilik ulashgan yigitlarga rahmat"
AQSHda erkak xotinini pichoqlab, uni tiriklayin ko‘mdi, ayol esa tirik...
AQSHning Markaziy Osiyo davlatlari bo‘yicha strategiyasida Rossiya va Xitoyning tilga olinishi
Ukraina Qrimga ATACMS raketalari bilan hujum qildi
Eron Afg‘oniston bilan chegarasida beton devor qurishni boshladi
Rogov: Amerika qo‘shinlarining Ukrainada paydo bo‘lishi "ochiq ishg‘ol" bo‘ladi