07:33 / 06.11.2020
1 695

Farg‘onada 2 nafar qiz tanishining singlisini ranjitgan qizni «samosud» qildi

Farg‘onada 2 nafar qiz tanishining singlisini ranjitgan qizni «samosud» qildi
Foto: Videodan skrinshot
Farg‘ona viloyati Oltiariq tumanida ikki nafar qiz tanishining singlisini ranjitgan qizni «samosud» qildi, deya xabar bermoqda viloyati IIB.
Qayd etilishicha, ijtimoiy tarmoqlarda tarqalgan Oltiariq tumanida yashovchi 3 nafar turmushga chiqmagan qizning o‘zaro janjali aks etgan videolavha yuzasidan izoh berildi. Jamoat joyida karantin qoidalariga amal qilmagan ikki nafar qiz tanishining singlisini ranjitgani uchun uchinchi qizni «samosud» qilgan.

Mazkur videoni quyidagi havola orqali ko‘rishingiz mumkin: VIDЕO

Farg‘ona viloyati Ichki ishlar boshqarmasi axborot xizmati rahbari Ismoil Sharipovning aytishicha, mazkur holat yuzasidan Oltiariq tumani Ichki ishlar organlari faoliyatini muvofiqlashtirish boshqarmasi huzuridagi tergov bo‘limi tomonidan tegishli bayonnomalar rasmiylashtirilib, huquqiy baho berish uchun Rishton tumani ma’muriy sudiga taqdim etilgan.

Rishton tumani ma’muriy sudining 23 oktabrdagi hukmiga ko‘ra, qizlarning ikki nafariga 10 sutka ma’muriy qamoq jazosi, 1 nafar qizga esa bazaviy hisoblash miqdorining uch barobari miqdorida jarima qo‘llanilgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Farg‘onada 2 nafar qiz tanishining singlisini ranjitgan qizni «samosud» qildi