2 740
Toshkentning 3 ta yo‘nalishida tezyurar avtobuslar xizmati yo‘lga qo‘yilishi kutilmoqda
Xorijiy konsultantlar tomonidan Toshkentning 3 ta yo‘nalishi — «Chilonzor buyum bozori», «Chorsu» savdo markazi va TTZ yo‘nalishlarida BRT (Bus Rapid Transit) tezyurar avtobus xizmati yo‘lga qo‘yishni taklif etmoqda, deb xabar beradi «Toshshahartransxizmat».
«Chilonzor buyum bozori» – «Chorsu» savdo markazi yo‘nalishining o‘rtacha masofasi 20,6 kilometrni, o‘rtacha qatnov vaqti 50 daqiqani, oraliq interval 4 daqiqani va tashilishi kutilayotgan yo‘lovchilarning o‘rtacha oqimi 42 ming nafarni tashkil etadi.
Yo‘nalish harakatlanadigan ko‘chalar: Navoiy ko‘chasi — 6,2 kilometr, Shahrisabz ko‘chasi — 3,2 kilometr, Shota Rustaveli ko‘chasi — 6,2 kilometr, Gavhar ko‘chasi — 2,4 kilometr, Bunyodkor ko‘chasi — 2,6 kilometr.
«Chorsu» savdo markazi – TTZ yo‘nalishi o‘rtacha masofasi 20 kilometrni tashkil etib, o‘rtacha qatnov vaqti 48 daqiqaga, oraliq interval 3 daqiqaga, kunlik tashilishi kutilayotgan yo‘lovchilarning o‘rtacha oqimi 27 ming nafarga teng bo‘ladi.
Yo‘nalish harakatlanadigan ko‘chalar: Yuzrabod ko‘chasi — 2,18 kilometr, Feruza ko‘chasi — 1,72 kilometr, M.Ulug‘bek ko‘chasi — 7 kilometr, Mahtumquli ko‘chasi — 1,8 kilometr; Shahrisabz ko‘chasi — 1,1 kilometr, Navoiy ko‘chasi — 6,2 kilometr.
Ushbu alohida yo‘laklarda harakatlanuvchi avtobus yo‘nalishlarini tashkil etish orqali 122 mingdan ziyod yo‘lovchilarga transport xizmatlarini ko‘rsatish rejalashtirilmoqda.
Yo‘nalishlarda joylashgan 36 ta chorrahani qayta loyihalash ishlari ko‘zda tutilgan bo‘lib, alohida yo‘laklarda harakatlanuvchi avtobus yo‘nalishlarini takrorlovchi 50 ta avtobus va 8 ta yo‘nalishli taksi harakatiga o‘zgartirish kiritiladi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
AQSH Isroilga qurol yetkazib berishni to‘xtatdi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi