Turk aktyori Murat Yildirim yangi loyihadagi roli uchun 10 kilo vazn tashladi

^{Foto: Hurriyet}
O‘zbek muxlislariga «Osiyo» serialidagi ijrosi bilan yaxshi tanish bo‘lgan Murat Yildirim «Aziz» serialida yosh ko‘rinish uchun ancha ter to‘kishiga to‘g‘ri keldi.

Serialda Murat Yildirimdan tashqari, Damla Sonmez va Simay Barlaslar bosh qahramon rolini gavdalantiradi. Undagi voqealar XX asrning 30 yillari Turkiyada sodir bo‘ladi. Antakyada suratga olinayotgan serialning boshlanishini muxlislar intiqib kutmoqda.

Serial uchun «yashargan» Murat Yildirim unda Aziz Paydar ismli qahramonni gavdalantiradi. «Men ‘Ramo’ loyihasidan keyin biroz dam olaman deb o‘ylagandim, ammo yangi serialning syujeti menga shunchalik yoqqanidan suratga tushishga rozi bo‘ldim. Jamoatchilikka ham yoqadi degan umiddaman», — degan aktyor.

Shuningdek, u roli uchun 10 kilo vazn tashlashga majbur bo‘lganini ta’kidlagan. «Vazn tashlash biroz qiyin bo‘ldi, ammo men 2 oy ichida yaxshigina ozdim», — deb qo‘shimcha qilgan u. Ma’lumot uchun, «Aziz» serialining premerasi bugun, 5 noyabr kuni Turkiya vaqti bilan kechki soat 20:00 da, Show Tv kanalida bo‘lib o‘tadi. “Zamin” yangiliklarini “Instagram”da kuzatib boring