AQShning Los-Anjeles shahrida 22 fevral kuni an’anaviy tarzda AQSh Kinematografiya san’ati akademiyasi tomonidan uyushtiriladigan “Oskar” mukofoti taqdimot marosimi 87-marta o‘tkaziladi, deya xabar bermoqda “TASS”.
Mutaxassislarning ta’kidlashlaricha, joriy yilda mukofotga qo‘yilgan filmlarning saviyasi ancha baland, biroq ular orasida haqiqiy kinematografik durdona asarlar yo‘q.
“Oskar”da asosan ingliz tilida olingan tijoriy filmlarga katta ustunlik berilishini unutmaslik kerak”, – deydi gollivudlik mustaqil tanqidchi Sem Beyker.
2014 yilda “Yilning eng yaxshi filmi” mukofoti uchun dastlab 520 filmi nomzodi ko‘rsatilgan edi. Ulardan 8tasi yakuniy da’vogarlar ro‘yxatiga kiritilgan.
Mutaxassislarning fikricha, bu mukofotni qo‘lga kiritishda favoritlar orasida 1-o‘ringa meksikalik rejissyor Alexandro Gonsales Inyarrituning “Byordmen”, 2-o‘ringa Richard Linkleyterning “O‘smirlik”, 3-o‘ringa amerikalik rejissyor Ues Andersonning “Grand Budapesht” mehmonxonasi” va mashhur aktyor va rejissyor Klint Istvudning “Snayper” filmlari qo‘yilgan.
Shuningdek, bu yo‘nalishdagi mukofotga nomzodlar orasida “Stiven Xoking koinoti”, “Selma”, “Savdoyilik” filmlari ham bor.
Alexandro Gonsales Inyarritu va Richard Linkleyter “Eng yaxshi rejissyor” yo‘nalishida mukofotni qo‘lga kiritishga asosiy da’vogarlardan hisoblanmoqda.
“Eng yaxshi aktrisa” yo‘nalishida mukofotni olishda “Hamon o‘sha Elis” filmida bosh rolni ijro etgan aktrisa Juliana Mur, “Eng yaxshi aktyor” yo‘nalishida mukofotni olishda “Imitasiya o‘ynash” filmida bosh rolni ijro etgan britaniyalik aktyor Benedikt Kamberbetch va “Byordmen” filmida bosh rolni ijro etgan amerikalik aktyor Maykl Kiton asosiy da’vogarlardan hisoblanmoqdalar.
Ma’lumot uchun, mukofotlar AQSh Kinematografiya san’ati akademiyasining 6292 a’zosi orasida ovoz berish natijalariga ko‘ra taqdim qilinadi. Ovozlar hisobi yashirin tarzda olib boriladi, lauretlarning nomlaridan olingan ma’lumotlarni qayta ishlash huquqi berilgan PricewaterhouseCoopers auditor kompaniyasining faqatgina ikkita xodimigagina xabardor bo‘ladilar. Aynan shu xodimlar taqdirlash marosimida sahnaga natijalar yozilgan konvertni olib chiqadilar.
Taqdirlash marosimi 2002 yildan beri Dolby teatrida o‘tkazilib kelinmoqda. Marosim mahalliy vaqt bilan 17:30 da (Toshkent vaqti bilan 23 fevral soat 06:30da) boshlanadi.
Marosimda amerikalik aktyor Nil Patrik Xarris boshlovchilik qiladi.
Manba: www.kun.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Turkiya o‘zining birinchi kvant kompyuterini taqdim etdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Har payshanba jismoniy tarbiya va sport kuni sifatida belgilanadi
