23:32 / 05.06.2016
24 096

Bugun Shohruxxon va Asal Shodiyevaning nikoh marosimi bo‘lib o‘tmoqda

Bugun Shohruxxon va Asal Shodiyevaning nikoh marosimi bo‘lib o‘tmoqda
Bugun, 5 iyun kuni xonanda Shohruxxon va aktrisa Asal Shodievaning nikoh to‘yi bo‘lib o‘tmoqda, deyiladi "Kun" nashrida.

Avvaliga "Versal"ga belgilangan nikoh marosimi Toshkent shahridagi "Osiyo Grand" to‘yxonasida ko‘chirilgan.

Avvaliga to‘yxonaga ikki san’atkorning onalari va oilaning yaqinlari kirib kelishdi.

To‘yni xonanda Nilufar Usmonova o‘z qo‘shiqlari bilan boshlab, so‘ng yor-yor sadosi ostida kelin va kuyov to‘yxonaga qadam ranjida qilishdi.

Mustaqil hayotga qadam tashlagan ikki yoshga O‘zbekiston xalq artisti Nasiba Abdullaeva, Ulug‘bek Rahmatullaev, Asilbek Nig‘matov, Botir Qodirov, Jahongir Poziljonov, O‘zbekiston Xalq artisti Yulduz Usmonova, Shahzoda, O‘zbekiston Xalq artisti Farruh Zokirov tomonidan iliq va samimiy tilaklar bildirilib, so‘ng birin ketin sho‘x va raqsbop qo‘shiqlar kuylandi.

Klipmeyker Narimon Sultonxo‘jaev tomonidan tayyorlangan "Love story" lavhasi mehmonlar olqishi bilan kutib olindi.

Tohir Sodiqov tomonidan kuylangan "Kel yashaylik" taronasiga esa kechaning bosh qahramonlari vals tushishdi.

Bazm boshlanishi bilan to‘yga taklif etilgan shou-biznes vakillari yangi fotosuratlarni ijtimoiy tarmoqlarga joylab borishmoqda.










Zamin.uz sayti tahririyati Shohruxxon va Asal Shodievaga baxt tilaydi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Madaniyat » Bugun Shohruxxon va Asal Shodiyevaning nikoh marosimi bo‘lib o‘tmoqda