Dizayner, aktrisa va boshlovchi Shahzoda Muhammedova o‘zining Instagram sahifasida muxlislarini quvontirgan yangilikni ma’lum qildi. U bolajonlar uchun Yangi yil oldi taqdim etiladigan “Sehrlandiya” nomli multfilmda qahramonlardan biriga ovoz berayotgani haqida gapirdi.
Shahzoda postida shunday deb yozdi:
“Bu qahramonning xarakteri bilan o‘xshash tomonlarimiz bor. Chunki do‘stim yoki yaqin insonimni kimdir xafa qilsa, men ham birinchi bo‘lib qat’iyat bilan maydonga chiqadiganlardanman.”
Aktrisa shuningdek:
“Kichkina bo‘lsa-da, juda jasur, mehribon va o‘ziga xos qizcha — bizning yagona personajimiz Bibi!” — deya qo‘shimcha qildi.
Multfilmning Yangi yil arafasida — 25 dekabr kuni premyera qilinishi ham oshkor etildi. “Sehrlandiya” bu yilning asosiy bayramona tomoshalaridan biri bo‘lishi kutilmoqda.
Shahzoda bolalikdan qilgan orzusining nihoyat ushalganini ham hayajon bilan aytib o‘tdi:
“Men bolalikdan multfilmga ovoz berishni orzu qilardim. Lekin kinoaktrisa bo‘lishni hech istamaganman. Mana, 34 yoshimda nihoyat orzum amalga oshdi — Bibi obraziga ovoz beryapman”, — deya so‘zlarini yakunladi.
Mehmon guruhidagi foydalanuvchilar ushbu nashrga izoh qoldira olmaydi.
