Xonanda Sevinch Mo‘minova “Shirchoy” ko‘rsatuvida qiziqarli savolga duch keldi. Boshlovchi undan: “Ismingizni kim qo‘ygan va nega aynan Sevinch deb qo‘yilgan?” — deb so‘radi.
Sevinch Mo‘minova kulib turib, ismi ortidagi qiziqarli voqeani batafsil gapirib berdi:
“Ismimni onam qo‘yganlar. Ota-onam ikkita ism o‘rtasida ikkilanib qolishgan: Sevinch qo‘yaylikmi yoki Marjona bo‘ladimi, deb. Har ikkalasi ham yoqqani uchun qaysi birini tanlashni bilishmagan. Keyin nimadir yasab, ikkita tomonga ism yozishgan — bir tomoniga Sevinch, ikkinchisiga Marjona. Shundan keyin 3 marta o‘sha narsani otib ko‘rishgan. Ishonarmidingiz, har uchalasida ham Sevinch ismi chiqqan!”
Xonanda hazil aralash davom etdi:
“Shundan keyin Sevinch sevinch olib kelsin, deb ismimni Sevinch qo‘yganlar”, — deya mehr bilan hikoya qildi.
San’atkorning bu samimiy hikoyasi muxlislar orasida katta qiziqish uyg‘otdi — zero, mashhur xonandaning ismi tasodifiy emas, xuddi taqdirning o‘zi tanlagandek jarayon orqali qo‘yilgan ekan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
