Xonanda Sevinch Mo‘minova Mirsadikova bilan bo‘lgan suhbatida hayotidan kutayotgan inson haqida ochiqchasiga fikr bildirdi. Uning aytishicha, u Allohdan nafaqat o‘zini baxtli qila oladigan, balki o‘zi ham baxt ulasha oladigan insonni so‘raydi.
Xonandaning so‘zlariga ko‘ra:
“Ba’zi paytlar Allohdan so‘rayman: Allohim, menga mos bo‘lgan, men unga baxt keltira oladigan, u ham menga baxt keltira oladigan insonni uchrat. Men faqat meni baxtli qiladigan deb so‘ramayman. Aksincha, men u uchun xayrli, kerakli inson bo‘lay, u ham menga xayrli bo‘lsin. Bir-birimiz uchun baxt bo‘laylik, deyman. Shunday baxtni berishini so‘rayman. Balki taqdirimga yolg‘iz o‘tish yozilgandir — buni faqat Alloh biladi.”
Suhbat davomida boshlovchi xonandadan: “Bu holat ya'ni yolg‘izlik siz uchun fojea emasmi?” deya so‘radi. Sevinch Mo‘minova esa bu savolga qat’iy va sokin javob berdi:
“Yo‘q, bu fojea emas. Men ishonamanki, yolg‘iz ayollarning ham u dunyoda mukofoti bor. Yolg‘iz yashab, bir vaqtning o‘zida ham ona, ham ota bo‘lib, hayot sinovlarini yengib o‘tayotgan har bir ayolning ajri bor. Men Allohdan so‘rayman: jannatlariga loyiq ko‘rsin.”
