Xonanda Hilola G‘ayratova va reper Getunda “Ko‘zlaringga” nomli yangi duetini taqdim etdi. Premyera haqidagi xabar ijtimoiy tarmoqlarda tez tarqalib, qo‘shiq tinglovchilar orasida muhokamaga tushdi.
Hilola so‘nggi paytlarda duet loyihalarini ko‘paytirayotgani haqida Instagram sahifalarida ham tez-tez eslatib keladi. Avvalroq u San Jay bilan “Seni o‘ylasam” duetini chiqarib, oradan ko‘p o‘tmay muxlislarga yana yangi ish taqdim qildi.
Hilola ko‘pchilikka The Cover Up loyihasidagi chiqishlari orqali ham tanilgan: mayin, yoqimli ijrodagi koverlari qisqa vaqt ichida auditoriyani yig‘ib olgandi.
“Ko‘zlaringga” trekida Hilolaning partiyasi nisbatan qisqaroq bo‘lsa-da, qo‘shiq matni va ohangi bir-birini “ushlab” turadi, ritm va kayfiyatda esa XXXTentacion uslubidan ilhom sezilishi aytilmoqda.
“Zamin”ni Telegramʻda oʻqing!
