19:06 / 04.09.2015
8 209

O‘zbekiston davlat san’at muzeyidan o‘g‘irlab ketilgan suratlar Rossiyadan ortga qaytarildi

O‘zbekiston davlat san’at muzeyidan o‘g‘irlab ketilgan suratlar Rossiyadan ortga qaytarildi
O‘zbekiston maxsus xizmatlari shov-shuvlarga sabab bo‘lgan O‘zbekiston davlat san’at muzeyidan suratlarning o‘g‘irlab ketilishi bilan bog‘liq jinoiy ish haqida yangi tafsilotlarni ma’lum qilishdi. Bu haqda «12News.uz»ga asoslanib «Kun.uz» xabar berdi.

O‘zbekiston Milliy xavfsizlik xizmati ma’lumotlariga ko‘ra, O‘zbekiston davlat san’at muzeyning sobiq rahbari Mirfayzi Usmonov muzeyning boshqa xodimlari bilan til biriktirgan holda asl nusxalarni soxtalari bilan almashtirish orqali davlatga 47,5 mlrd so‘mlik zarar keltirgan. 68 mingga yaqin suratlarni inventar tekshirish natijasida 178ta kartina soxtalashtirilgani, 2tasining yo‘qolgani aniqlandi.

Jumladan, jinoiy guruh muzey fondidagi 7ta suratni Rossiya fuqarosi Tair Tairovga 5,1 ming AQSh dollariga pullagani ma’lum bo‘ldi.

Rossiya Federasiyasida ko‘rilgan chora-tadbirlar natijasida A.Nikolaevning “Meva ko‘targan qiz”, N.Karaxanning “Hovuzdagi qiz”, O.Tatevosyanning “Baliq ovida”, “Choyxona”, “Urgut yo‘lida”, M.Zommerning “Tog‘ daryosi bo‘ylab o‘tgan ko‘prik” va “Kabobxona” kartinalari muzeyga qaytarildi.

Mazkur jinoiy ish yuzasidan muzeyning 13 xodimi tegishli jazoga tortildi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Madaniyat » O‘zbekiston davlat san’at muzeyidan o‘g‘irlab ketilgan suratlar Rossiyadan ortga qaytarildi