23:14 / 03.05.2016
6 031

Toshkentda 4 may kuni qisqa muddat yomg‘ir yog‘ishi mumkin

Toshkentda 4 may kuni qisqa muddat yomg‘ir yog‘ishi mumkin
O‘zbekistonning qator hududlarida 4 may, chorshanba kuni yog‘ingarchilik kutiladi. Bu haqda «Daryo» nashri xabar bermoqda.

Xabar berishlaricha, 4 mayga o‘tar kechasi O‘zbekistonning tog‘li hududlarida havo harorati +3…+8 daraja, Toshkent shahrida +12…+14 daraja iliq bo‘ladi. Qolgan hududlarda +10 darajadan +20 darajagacha o‘zgarib turishi mumkin.

4 may kuni kunduzi O‘zbekistonning tog‘li hududlarida havo harorati +13…+18 daraja, Qoraqalpog‘iston Respublikasi va Xorazm viloyatida +15…+20 daraja iliq bo‘lishi kutilmoqda. Qolgan hududlarda havo harorati +20 darajadan +30 darajagacha o‘zgarib turishi mumkin.

Chorshanbaga o‘tar kechasi va kunduzi Toshkent shahrida, shuningdek, Toshkent, Samarqand, Jizzax, Sirdaryo, Andijon, Namangan, Farg‘ona viloyatlarining hamda tog‘li hududlarning ayrim joylarida qisqa muddat yomg‘ir yog‘ishi mumkin.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)