Bugun Toshkent metropolitenining vagon parkiga uchta yangi zamonaviy poyezd etib keldi. Ushbu poyezdlar yoʻlovchilarning qulayligi va xavfsizligini oshirishga xizmat qiluvchi ilgʻor texnologiyalar bilan jihozlangan.
Belgilangan tartibga muvofiq, poyezdlar 7–10 kun davomida texnik sinovlardan oʻtkaziladi. Sinovlar muvaffaqiyatli yakunlangach, ular yoʻlovchilarga xizmat koʻrsatish uchun yoʻnalishlarga chiqariladi. Bu esa shahar transport aloqasining sifatini oshirishga yordam beradi.
Joriy yil fevral oyida yana shunday uchta tarkibning kelishi kutilmoqda. Shu tariqa, metro vagonlarini bosqichma-bosqich yangilash ishlari davom etmoqda. Yangi poyezdlarning joriy etilishi harakatlar oraligʻini qisqartirish va yoʻlovchilarga yanada qulay sharoit yaratish imkonini beradi.
Metro vagonlarining yangilanishi poytaxt transport tizimini rivojlantirish yoʻlidagi muhim qadam boʻlib, Toshkent aholisi va mehmonlari uchun harakatlanish sharoitlarini yaxshilashga qaratilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
