Ta'mirlash ishlari sababli Yunusobod va Chilonzorda chiroq oʻchadi

7 fevral kuni Toshkentning Yunusobod va Chilonzor tumanlarida vaqtinchalik elektr ta'minoti uzilishi rejalashtirilgan. Bu haqda "Toshkent shahar elektr tarmoqlari" ma'lum qildi.

Cheklovlar elektr energiyasining barqaror va sifatli etkazib berilishini ta'minlash, avariyalarning oldini olish hamda elektr qurilmalarda ta'mirlash ishlarini amalga oshirish maqsadida joriy etilmoqda.

Elektr oʻchiriladigan hududlar va vaqtlar:
- Yunusobod tumani: "Obod", "Otchopar-1" va "Otchopar-2" mahallalarining ayrim hududlari – 00:00 dan 06:00 gacha
- Chilonzor tumani: "Katta Chilonzor-2" mahallasida – 10:00 dan 16:00 gacha

Ta'mirlash ishlari rejalashtirilgan vaqtdan avvalroq yakunlanishi va elektr ta'minoti muddatidan oldin tiklanishi mumkin. “Zamin” yangiliklarini “Telegram”da kuzatib boring