Oʻzbekiston hukumati ish haqi toʻlash tizimini tartibga solish va mehnat munosabatlarini soddalashtirish boʻyicha yangi choralar qabul qildi. Ushbu qarorlar prezident Shavkat Mirziyoyev raisligida oʻtkazilgan yigʻilishda e'lon qilindi.
Yangi qoidalar asosan qurilish, savdo va umumiy ovqatlanish sohalarida faoliyat yurituvchi korxonalarga tegishli boʻlib, ularning ish haqi toʻlovlari ustidan nazoratni kuchaytirish va "konvert maosh" amaliyotiga qarshi kurashni maqsad qilgan.
Asosiy oʻzgarishlar:
? Qisqa muddatli va soddalashtirilgan mehnat shartnomalari joriy etiladi – bu mavsumiy va vaqtinchalik ishchilarni rasmiylashtirishni osonlashtiradi.
? Ijtimoiy soliq boʻyicha imtiyozlar 2028-yilgacha uzaytirildi, biroq endilikda faqat 30 yoshgacha boʻlgan xodimlarga va ish haqi 3 mln soʻmdan yuqori boʻlsa amal qiladi.
Imtiyozli soliq stavkasi quyidagi sohalarga tatbiq etiladi:
* Chakana savdo va umumiy ovqatlanish
* Mehmonxona biznesi
* Yoʻlovchi va yuk tashish xizmatlari
* Transport vositalarini ta'mirlash va texnik xizmat koʻrsatish
* Kompyuter xizmatlari va maishiy texnika ta'miri
* Qishloq xoʻjaligi va veterinariya xizmatlari
* Koʻngilochar markazlar xizmatlari
Ushbu oʻzgarishlar norasmiy bandlikni kamaytirish, yoshlarning ish bilan ta'minlanishini oshirish va xizmat koʻrsatish sohasini rivojlantirish maqsadida amalga oshirilmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
