Markaziy bank pul o‘tkazmalari nazoratini kuchaytirdi

Markaziy bank to‘lov xizmatlari orqali amalga oshiriladigan pul o‘tkazmalari ustidan nazoratni kuchaytirishini ma’lum qildi, deb nova24.uz yozmoqda. Rasmiy bayonotda bu yangilik mijozlarga qo‘shimcha qiyinchilik tug‘dirmasligi ta’kidlangan.

Ichki nazorat qoidalarining 312-bandiga ko‘ra, 30 BRV (11,2 million so‘m) yoki undan yuqori elektron pul o‘tkazmalarida jo‘natuvchining identifikatsion ma’lumotlari ham to‘lov ma’lumotlari bilan birga banklar va to‘lov tashkilotlari o‘rtasida uzatilishi lozim.

Bu talab mijozlar uchun yangi ma’lumot topshirishni talab qilmaydi — ilgari ro‘yxatdan o‘tishda taqdim etilgan identifikatsiya avtomatik tarzda qo‘llaniladi.

Shuningdek, Markaziy bank va Iqtisodiy jinoyatlarga qarshi kurash boshqarmasi ayrim operatsiyalar bo‘yicha nazoratni kuchaytirish bo‘yicha ko‘rsatma bergan edi. “Zamin” yangiliklarini “Telegram”da kuzatib boring