76
O‘zbekiston va Qirg‘iziston Bishkekdagi erkin iqtisodiy zonada tibbiy buyumlar bo‘yicha qo‘shma ishlab chiqarishni yo‘lga qo‘ymoqchi, deb Kursiv Media xabar berdi.
Loyiha O‘zbekiston Farmatsevtika sanoatini rivojlantirish agentligi, Sog‘liqni saqlash vazirligi va O‘zbekiston-Qirg‘iziston taraqqiyot jamg‘armasi (O‘QTJ) ishtirokida muhokama qilindi.
Ishlab chiqarish “Sanrayd” kompaniyasiga topshiriladi, mahsulotlar Qirg‘izistonning shifoxonalari va poliklinikalariga yetkaziladi.
O‘QTJ loyihaga investitsiya jalb qilish va moliyalashtirish shartlari bo‘yicha maslahatlar beradi.
Umuman, sog‘liqni saqlash sohasida 14 ta qo‘shma loyiha ustida ish olib borilmoqda.
06:20, 12-04-2025
